Аю колак-батыр. Сказки добруджанских татар

Әлеге китапка Румыниянең Добруҗа өлкәсендә яшәүче татарларның әкиятләре туплап бирелде. Румыния татарлары турында Татарстанда аз беләләр. Язма чыганаклар Румыния татарларының, төгәлрәк әйткәндә, Добруҗа өлкәсендәге татарларның килеп чыгышын Кырым белән бәйли. Биредә яшәүче төрки халыкның күбесе хәзерге кырымтатар әдәби теле формалашмаган чорда ук туган якларыннан – Кырым ярымутравыннан Румыниягә күчеп утырган һәм безнең Казан татарлары теленә якын булган нугай диалектында сөйләшкән дигән фикер бар. Китап «Тылсымлы һәм тылсымсыз масаллар» һәм «Хайваннар турында масаллар» дигән ике бүлектән тора. Беренче бүлектә – 35 әкият, икенчесендә 9 әкият бирелде. Күпчелек әкиятләрнең сюжеты татар халык әкиятләре белән уртак. Шулай да Добруҗа татарларына гына хас әкиятләр дә бар. Бу төрек халкы белән тыгыз бәйләнешләр, румын фольклорының йогынтысы, көнкүреш шартларының үзгә булуы һ. б. сәбәпләр белән аңлатыла. Китап киң катлау укучыларга тәкъдим ителә.